لما بكون متضايقة من حاجة وأتكلم عنها بحب اللي بكلمه يقولي حلول واقتراحات أكتر ما يقولي “هتعدي، اتس أوكاي، كله هيبقى تمام، أنا هنا…” أو كل اللي بيحمل نفس المعنى. الكلام ده عامةً بيحسسني إني مُهمَلة بشكل ما أو بيتقالي نفس الكلام الإنشا. عشان طيب ولو معدِّتش؟ بس هو مش أوكاي؟ كله مش تمام ايه الضمانات؟ أنت هنا فين؟
عادةً لما حد بيكلمني عن حاجة مضايقاه بسأله لو عايز حد يسمعه وبس ولا حد يفكَّر معاه، أنا كده كده ببقى بفكَّر ودماغي بتدوَّر على حلول، بس ده عشان أعرف لو مسموح لي أشاركها ولا لأ. نفسي حد يعمل معايا نفس اللي بعمله وندوَّر على حلول وأفكار سوا أو نعرف سوا إن مفيش حل فنفضل قاعدين سوا. كل مرة كان عندي مشكلة أو حاجة مضايقاني وحد دوَّرلي على حل بدل ما يقولي معلش كنت بعيّط والله من فرط الحنان والامتنان! لكن والنبي ما حد يـbrush me off بالطريقة دي أو يقول كلام محفوظ عشان بحس إني ياريتني ما اتكلمت.
بفكر في الناس الي بتضرك وأنت كافي خيرك شرك عن الدنيا كلها، وعايش بزاوية لحالك ومنعزل عن العالم كلها، ومع هيك مش تاركتك بحالك وبتضرك، يعني يا أمة حرب الدنيا، الموت محيط فينا من كل مكان ، وانتو لسا بتضروا !
